MOTOREN PÅ "ELIESER 6" GODKJENT

Etter mange månader i uvisse, er motoren endeleg godkjent av sjøfartsdirektoratet.

Importøren av motoren framskaffa dokumentasjonen som mangla, og 8. mars vart det sendt inn ny søknad om godkjenning.
Det som står igjen av arbeid på båten, er å montera ekstra smøreoljepumpe og kjølevasspumpe. Det vil også bli montert ekstra motorstyreeining (ECU). 
Så skal "Elieser 6" segla til Bergen for ny serveringsdisk, og der etter vidare til Los Marine på Bømlo for montering av nødbrannpumpe.
Vi veit ikkje når "Elieser 6" er klar for å gå inn i seglingsplanen, men no ser vi i alle fall "lys i tunnelen".