Endeleg godkjent

Fredag ​​28. mai var det prøvetur med betelskipet "Elieser 6", og den nye motoren vart godkjent.

Etter ei lang tid med uvisse, kan vi endeleg melda at den nye motoren på skipet er godkjent! Ein gledens dag for heile Den indre Sjømannsmisjon.
"Elieser 6" skulle eigentleg først til Bergensområdet for montering av serveringsdisk, og så til Los Marine på Rubbestadneset for å få montert ny nødbrannpumpe. No blir det omvendt; altså først til Rubbestadneset for ny nødbrannpumpe, så montering av serveringsdisk i Bergen.
Der etter håper vi koronarestriksjonane er slik at betelskipet kan begynna å segla igjen.

Bilete: EIN GLAD GJENG PÅ "ELIESER 6" FOR ENDELEG GODKJENNING AV DEN NYE MOTOREN:
F.v. Sigmund Kindervåg (maskinpassar og leiar av driftsstyret), Svein Ivar Olaussen (skipper), Camilla Myklebust (husmor), Per Berge (maskinpassar) og Kåre Undal (driftsstyret).